12 июнь көнне, районыбызның иң матур табигатьле, Кашка тау итәгендә, Питрау бәйрәме гөрләп узды. Бәйрәмдә күп кенә мәртәбәле кунаклар катнашты. Бәйрәм булгач, күп бәйге-уеннардан мәйдан гөрләп торды. Ә балалар мәйданчыгында, " Керәшен җыруын әйтә балалар" муниципаль яшь башкаручылар бәйгесе узды. Безнең бакчабыз данын, кечкенә шул ук вакытта бик якты, өметле йолдызыбыз Язилә Хәйруллина яклады. Язиләбез Вадим Захаров репертуарыннан керәшен халык җырын башкарды. Йолдызчыгыбыз үзенең җыры белән күпләрне сөендерде. Ә жюри, әлбәттә бу чыгышны, үз яшендәгеләр арасында, иң югары башкаручы итеп бәяләде. Тамашачылар арасында да Язиләбезне килеп мактаучылар табылды! Без сабый өчен бик шат! Алга таба да Язиләгә һәм аны бәйгегә әзерләүче пелагог - Хөснетдинова Гөлнар Хәлил кызына зур уңышлар, якты үрләр яулауларын телибез.