Нәүрүз бәйрәмен, көн белән төннең тигезләшкән вакытында үткәрәләр. Нәүрүз килү, ел фасылларының алышыну вакыты, бураннары, карлары белән кыш китеп, җылы, матур яз җитү! Бу бәйрәмне балалар бакчаларында да игътибарсыз калдырмыйлар! Бакчабыз бүген җыр-бию, уеннардан, балаларның шат авазыннан гөрләп торды. Зурлар һәм мәктәпкә хәзерлек төркеме балалары катнашында үткрелгән чарада, татарча шигырьләр, җырлар яңгырады, биеп-уйнап күңел ачтылар! Кыш бабай белән Нәүрүзбикәнең биремнәрен үтәделәр,  төрле уен-ярышларда катнаштылар! Хәтта үзләренең сәләтләрен күрсәтергә өлгерделәр.  Бүгенгедәй шат елмаю сабыйлар йөзеннән китмәсен иде, яңа язлар бары тик сәламәтлек, шатлык-сөенечләр алып килсен! Илләр тыныч, күкләребез аяз булсын!