Балалар бакчасында белем һәм тәрбия бирүнең уеннар аша алып барылганы һәр кемгә аңлашыла, таныш. Шуңа күрә, кулга килеп эләккән һәр уенны уйнап карамыйча калдырмыйбыз. Яңа елга Кыш бабайдан бүләк алган кебек, без дә балалар белән Яңа ел алдыннан яңа уенлы булдык. Бик тә кызыклы, мавыктыргыч, күп мәгълүмат туплаган бу уенны бүген уйнап карарга булдык. Алдан китеп , шуны әйтергә кирәк, вакытыбыз чикле булды, икенче юлы дәвам итәргә сүз куешып аерылыштык. Уенга килгәндә, балаларга бик ошады. Башкалабыз Казан тарихын өйрәнүгә юнәлгән бу уен. Казанның барлык истәлекле урыннары аерым карточкаларга тупланган. Һәр уенчы билгеле бер урынга җиткәч, әлеге карточкаларны ачып укып, яңа белемнәр туплый. Кыскасы, уен балалар күңеленә бик хуш килде! Уен өчен, рәхмәт җиткерделәр!