Бүген, шәһәребезнең Сөббух Рәфыйков исемендәге үзәк китапханәсендә, Район башлыгы Разиф Кәримов, “Мәйдан” журналы редакциясеннән танылган шәхесләр, татар теле укытучылары, балалар бакчасында татар телен өйрәтүче тәрбиячеләр, китапханәчеләр, балалар катнашында “Туган телем - горурлыгым”, дигән әдәби чара үтте. Чара татар телен саклауга, үстерүгә юнәлгән иде. Чара барышында күп кенә татарча шигырьләр, җырлар ишетү, биюләр күрү мөмкинлеге булды. Бу чарадан “Шатлык” балалар бакчасында тәрбияләнүче кызлар да читтә калмады. Сабыйлар, “Әйлән-бәйлән” җырын башкардылар. Чара бик матур, югары дәрәҗәдә үтте, тагын бер кат телебезнең бай тарихын барладык.