Сабантуй бәйрәме − татар халкының иң олы бәйрәмнәренең берсе. Ул - хезмәт һәм дуслык бәйрәме. Сабан туе - ул һәр кемнең көтеп алган күңелле бәйрәме. Безнең "Салават күпере" балалар бакчасында да бу  милли бәйрәм зурлап уздырыла. Быел да бакчабызда, гореф - гадәтләрне саклап, балалар өчен матур бәйрәм үткәрдек. Тәрбиячеләр, әкият геройларына әверелеп, мәйдан уртасында  тамаша күрсәттеләр. төрледән - төрле матур уеннар оештырдылар. Балалар берсеннән-берсе узыша - узыша чүлмәк тә ваттылар, кашыкка йомырка салып йөгерделәр, күзне бәйләп  качы белән әйбер дә кистеләр, ат чабышын да күрергә мөмкин иде. Һәркем үзенең осталыгын күрсәтте: кемдер җырлады, кемдер биеде. Барлык балалар Сабантуй бүләкләре оттылар. Бөтен җирдә − уен-көлке, шаярулар хөкемсөрде. Сабан туе шулай шаулап-гөрләп үтте.