Бүген бакчабызда зурлар төркеме балалары белән "Карга боткасы" фольклор бәйрәме үткәрелде. Чарада балалар "Карга боткасы" бәйрәменең ничек һәм кайчан уздырылуын белделәр. Әлбәттә, бәйрәмнең төп катнашучылары балалар. Алар башта әби янына килеп бәйрәм өчен сый-хөрмәт җыйдылар.  Аннары җыелган ярмалардан ботка пешә башлады. Ботка әзерләгәндә Яз белән Шәвәли кунакка килде. Балалар алар белән күңел ачты. Бәйрәм ахырында бер казан ботка күтәреп әби килеп керде. Балалар да әбигә күчтәнәч әзерләгәннәр. Ишмеева Амалия бик матур җыр җырлап күрсәтте. Бакчабыз мөдире Алина Фаязовна республикакүләм конкурста катнашкан балаларны котлады һәм аларга дипломнар тапшырды. "Карга боткасы " бәйрәмен балалар тәмле ботка ашап тәмамладылар.