Һәр елдагыча  Югары  Шепкә  мәктәбендә  шаулап-гөрләп   “Балачак  илендә” дигән исем  астында  башлангычлар  атналыгы  узды. Беренче  көнне  мәктәп  күләмендә  “Без оста  куллар” күргәзмәсе  оештырылды. Нинди  генә кул эшләре  юк  иде  анда: тозлы  камырдан  ясалган  тәм-томнар, сәйләннән  чигелгән  эшләр, пластилиннан  әвәләнгән  фигуралар һ.б.                                       

 Икенче  көнне   “Дәфтәр-укучының  көзгесе”  дигән  күргәзмә  булды. Һәр  сыйныф  дәфтәрләре  күргәзмәгә куелды. Иң   үрнәк  дәфтәрләр  2  сыйныфта  икәнлеге  ачыкланды.

Өченче  көнне “Белемлеләр  илендә”  дигән  конкурс  үтте. Рус  теле,  математика  һәм  татар  теле  буенча  төрле  кызыклы  ярышлар  оештырылды. Балалар  көнләшә-көнләшә  белемнәрен  күрсәттеләр, ребуслар  чиштеләр, уеннарда  катнаштылар.Айсинә  командасы  җиңү  яулап, бүләккә  лаек  булды.

Иң  күңелле  кичә –“Сөмбеләдә кунакта” булгандыр  мөгаен. Матур  биюләр, дәртле  җырлар, кызыклы  конкурсларда  укучылар  бик  теләп  катнаштылар. Көз кызы (Навширова  Айсинә)  көз  турында  табышмаклар һәм  кызыклы  уеннан   алып  килгән  иде. Табышмак  чишүдә  Тимурга  тиңнәр  булмады. Алма ашау, бәрәңге  ташу, мозаика  төзү  уеннары  да  бик   җанлы  үтте. ”Сөмбелә”(Мингалина  Сөмбел)  балаларга  үзенең  матур  җырын  бүләк  итте  һәм  теләкләрен  җиткерде. Соңыннан  һәр  катнашучы  көз  күчтәнәче  алды.

Соңгы  көнне “Спорт  илендә”  дигән  исем  астында  ярышлар  үтте. Ике  команда  да  тигез  очко  җыйдылар.

Атналык  бик югары  оешканлык  белән  үтте .Гомумән  безнең  башлангыч  укытучылары  иҗади  һәм  эзләнүчән  укытучылар. Алар  балалар  күңелен  күрик  дип ,  һәр  эштә дә үзләре  башлап ,янып-көеп йөриләр  һәм  эшлиләр. Алга  таба да  сау-сәламт  булып  эшләргә язсын.