10 нчы декабрьдә 3 нче урта гомуми белем мәктәбендә Зәй шәһәр һәм муниципаль районы татар теле һәм әдәбияты укытучыларының семинар-практикумы булып узды. Семинар-практикумның темасы:  Татар теле һәм әдәбияты дәресләрендә укучыларның интеллектуаль эшчәнлекләрен формалаштыру һәм үстерү. Семинарда ачык дәресләр күрсәтелде:  югары квалификацион  категорияле татар теле һәм әдәбияты укытучысы Хәйретдинова Ф.С. 3а сыйныфының рус төркемендә  “Мин өйдә булышчы”; югары  квалификацион категорияле татар теле һәм әдәбияты укытучысы Сабирова Ф.Х. 5а сыйныфының рус төркемендә  “Без әнигә булышабыз” дәресләре. Дәресләр методик яктан дөрес төзелгән, ФГОС таләпләренә туры килә, эш төрләре “гадидән-катлаулыга” принцибында, укучыларның яшь үзенчәлекләрен исәпкә алып сайланган.  Дәрестә укучылар бик актив катнаштылар. Милли мәсьәләләр буенча директор урынбасары Ягудина К.Г. 3 нче урта  гомуми белем бирү мәктәбендә милли белем һәм тәрбия бирүнең торышы турында чыгыш ясады. Югары квалификацион  категорияле татар теле һәм әдәбияты укытучысы Халиуллина Х.Ә.  укучыларны бердәм республика тестларына әзерләү турында сөйләде һәм “Татар теленең кыен очраклары” темасына мастер-класс күрсәтте.