23 нче ноябрь көнне 3 нче мәктәпнең 4а сыйныфында әниләр көненә багышланган “Әнием – бер генәм” дигән сыйныфтан тыш чара үтте (Ягудина К.Г.). Чараның максаты - Әниләр көне турында мәгълүмат бирү, безнең иң кадерлеләребез булган әниләребезгә карата ихтирам,хөрмәт, көчле мәхәббәт тәрбияләү, укучыларда шәфкатьлелек, ягымлылык, җылы караш формалаштыру, сүз һәм эш белән өлкәннәрнең күңелләрен күрә, кәефләрен тоя белергә өйрәтү. Дөньяның һәр почмагында безгә тормыш биргән, безне үстергән, тәрбияләгән газиз кешеләребезнең бәйрәмнәре билгеләп үтелә. Без бу көнне зур әзерлек белән билгеләп үтәбез. Әниләребез турында укучылар иншалар яздылар, җырлар, шигырьләр өйрәнделәр. Бирелгән өзекләргә карап шигырьләрнең авторын һәм исемен атадылар, мәкальләрнең азагын яздылар, әниләр турында җырлар тыңладылар, “Тәмле сүзләр” уенын уйнадылар. Әни!.. Әниләр! Алар яныбызда булса, без-көчлеләр, без-батырлар. Әниләр янәшәбездә торганда безгә куркыныч түгел.