15 нче майда  2 нче а сыйныфында экология темасына дәрес булды. Аны татар теле һәм әдәбияты укытучысы Хәйретдинова Ф.С. үткәрде. Кеше гомере буе табигать белән тыгыз элемтәдә яши. Табигать кешене яшәтә дә, ашата да, тәрбияли дә. Әмма бүгенге көндә планетабызда табигатьтәге экологик проблемалар катастрофа дәрәҗәсенә җитте: суларыбыз пычранды, урманнарыбыз киселде, янды, сулар һавабыз агулы матдәләр белән зарарланды. Дәрес укытучының шушы сүзләре белән башланып китте. Экологиягә багышланган әңгәмәдән соң, табигатьтә үз-үзеңне тоту кагыйдәләре искә төшерелде, табышмакларга җаваплар табылды. Укучылар табигать турында  китаплар белән дә таныштылар. Соңыннан  балалар әйләнә-тирәлекне саклауның ни өчен кирәклеге турында үзләре дә сөйләделәр.