Татар теле һәм татар әдәбияты атналыгы кысаларында, 11 нче апрель көнне 8 сыйныфта (татар теле һәм әдәбияты укытучысы Хөснетдинова җитәкчелегендә ) “Син Татарстанны беләсеңме ?” дип аталган уен-викторина үтте. Викторинада “Тапкырлар” һәм “Зирәкләр” командалары катнашты. Укучылар уен барышында күренкле шагыйрьләребез Г.Тукай, М. Җәлил биографиясен, аларның шигырьләрен сәнгатьле сөйләделәр, тел һәм туган як турындагы мәкальләрнең азагын тәмамладылар, мавыктыргыч сорауларга җавап бирделәр, “башкалабыз” сүзендә нинди сүзләр “яшеренгәнен” белделәр, диалог төзеделәр, табышмакларга җавап эзләделәр. Нәтиҗәдә “Зирәкләр” командасы җиңүче булды. Бәйге “Мин яратам сине, Татарстан” җыры белән тәмамланды.