21 февраль – туган тел көне. Бу көнне ана теле һәм әдәбияты укытучысы Хәйретдинова  Фәридә Салих кызы  5 нче б сыйныфының татар төркеме укучылары белән “Телләр белгән – илләр гизгән” исемле КВН   үткәрде. Кичә ярыш формасында үтте.  Сыйныф 2 командага бүленде. Командалар команда исемнәре уйладылар, капитаннар сайладылар. “Тапкырлар”командасының капитаны  – Ситдиков Рамазан,   һәм “Зирәкләр” командасының капитаны  – Герасимова Дарья булды.  Укучылар Татарстан турында белгәннәрен искә төшерделәр. Балалар  ярышта туган ягыбыз, Татарстанның символикасы, татар милли киемнәре, милли ашлары турындагы сорауларга җавап бирделәр,  ребуслар,  кроссвордлар чиштеләр. Капитаннар ярышы да кызыклы булды. Алар өчен “Танылган шәхесләребезне беләсеңме?”  ярышы   үткәрелде. Командалар мәкальләрнең азагын уйлап әйттеләр, Нәтиҗәдә “Тапкырлар ” командасы    балл,  “Зирәкләр” командасы -   балл җыйды. Кичә ахырында жюри  ярышның  нәтиҗәләрен әйтте.