26 нчы апрель көнне, Г.Тукайның туган көне уңаеннан,  4 нче Б сыйныфында “И,  сабыйлар, эшләгез сез ...”   дип  исемләнгән  дәрес-викторина үтте.  Чара барышында укучылар Г.Тукайның тормыш юлы һәм иҗаты буенча презентация карадылар, китаплар күргәзмәсе белән таныштылар, викторина сорауларына җавап бирделәр. Шагыйрьнең  “Кызыклы шәкерт”,  “Гали белән Кәҗә” шигырьләрен  сәнгатьле  укыдылар. “Эш беткәч, уйнарга ярый” , “Су анасы”  мультфильмнарын  карадылар. Укучылар белән бергәләп, Г.Тукайның  әсәрләре   укуны, эшне  яратырга, табигатьне сакларга,  кеше әйберенә тимәскә өндиләр  дип,   нәтиҗәгә  килделәр.