Татар теле атналыгы кысаларында  13 нче апрель көнне 4 нче б сыйныфында татар теле укытучысы Хәйретдинова Ф.С.   “Әкиятләр илендә” исемле әдәби чара үткәрде. Чараның  максаты: әкиятләргә карата кызыксыну уяту, балаларны халык иҗатына тарту, аларда уңай эмоциональ  хисләр һәм әхлакый сыйфатлар  тәрбияләргә омтылу.  Укучылар кичәдә татар әкиятләрен искә төшерделәр, аларның эчтәлеге буенча сорауларга җаваплар бирделәр,  геройларын искә төшерделәр, әкиятләр буеча ребуслар, табышмаклар чиштеләр,  татар әкиятләре буенча куелган мультфильмнар карап киттеләр. Укучылар  әкиятләр кешегә әхлак тәрбиясе бирә, хезмәт сөяргә, башкаларга карата игътибарлы булырга өйрәтә дигән нәтиҗәгә килделәр.