Мәктәпнең татар теле һәм әдәбияты укытучылары Г.Тукай исемендәге дәүләт премиясе лауреаты, Татарстанның халык язучысы Нәбирә Гыйматдинова белән очрашуга бардылар. Бу аралашу җылы, дустанә төс алды, чөнки бу очрашу беренчесе түгел инде. Язучыны без инде кызыклы әңгәмәдәш буларак көтеп алабыз. Н.Гыйматдинова проза һәм публицистика жанрларында иҗат итә. Ул – прозада реаль чынбарлык һәм күңел дөньясы, яшәешнең төрле мөмкинлекләре турында мавыктыргыч сюжет кору, үзенчәлекле символик образлар тудыру сәләтенә ия сирәк талантларның берсе. Язучының теләге – адәм балаларын тормыш-яшәеш турында уйланырга чакыру.