22 нче декабрь көнне 3 нче урта мәктәптә татар телендә “Күңелле чыршы бәйрәме” узды. Бәйрәмчә киенгән кызлар һәм малайлар актлар залына бәйрәм тамашасын карарга җыелыштылар. Яңа ел тамашасы балаларның яраткан әкият герое Убырлы, Ут  һәм урман җәнлекләренең чыгышлары белән дәвам итте. Барлык җәнлекләр: куркак куян да, хәйләкәр төлке дә, усал бүре дә,  җитез тиен дә Кар кызын  Убырлының мәкерле кармагыннан коткардылар һәм бәйрәмгә алып килделәр. Тамашаның ахыры күңелле тәмамланды, гаделлек җиңеп, Кыш бабай бәйрәмгә вакытында килеп җитте, Кар кызы үзенең матур тавышы белән бәйрәмне бизәде. Укучылар бәйрәм тамашасын бик кызыксынып карадылар. Бәйрәмгә ямь өстәп, кыңгырауларын чылтыратып, Кыш бабай да килдее, укучыларга һәм әти-әниләргә үзенең бәйрәм теләкләрен әйтте. Кар кызы да бәйрәм белән котлап җыр җырлады. Укучылар матур шигырьләр сөйләделәр җырлар җырладылар, төрле номерларын башкардылар. Бәйрәмдә укучылар белән  “Өшетәм”, “Бияләй”, “Кем җитезрәк” уеннары оештырылды. Бәйрәм бик күңелле узды. Тамашадан һәр кунак яхшы кәеф алып китте. Чыршы бәйрәме Яшел чыршы тирәли җыр җырлап, татарча биеп  тәмамланды.