8 нче апрельдә “Татарча да яхшы  бел” исеме белән линейка узды. Линейкада укучылар татар телендә төрле темага шигырьләр сөйләделәр. Садилова Марина флейтада үзенең яраткан көен – “Тәфтиләү”не уйнады. Студенова Анна  “Йолдызлар сәгате” уздырды. Укучылар бик актив һәм дөрес итеп сорауларга җавап бирделәр.  Линейка ахырында укучылар укытучылар  белән бергә “Туган тел” җырын башкардылар.  “Мин татарча сөйләшәм” акциясендә  актив катнашкан укучыларга рәхмәт хатлары, бүләкләр  тапшырылды. 6а сыйныфы укучылары  “Куян кызы” әкиятен сәхнәләштереп  күрсәттеләр. Артистлар бик сәнгатьле сөйләделәр, үз рольләрен чын артистларча башкардылар. Соңыннан әкияткә укытучы Хөснетдинова Гүзәл Илгиз кызы нәтиҗә ясап, әти-әниләрнең сүзләрен тыңларга, сәламәтлекне сакларга һәм тырышып укырга кирәклеген искәртте.