24 нче  февраль  көнне  2б сыйныф укучылары белән Хәлиуллина Х.Ә. «Телләр белгән илләр гизгән» дәрес-викторина үткәрде.  Чарага укучылар алдан әзерлек  эшләре алып бардылар. Алар “Туган тел” көненә багышлап рәсемнәр ясадылар, шигырьләр өйрәнделәр. Укучылар татар телендә  сәнгатьле итеп шигырьләр сөйләделәр. Укытучы  чыгышында  һәркем үзенең туган телен белергә, аны яратырга, сакларга кирәк   икәненә  басым ясады. Тел белән бергә һәр  кеше үз халкының йолаларын, халык җырларын, гореф- гадәтләрен дә белергә һәм онытмаска  тиеш икәнен искәртеп уздылар. Татарстанда ике дәүләт теле бар: татар һәм рус телләре. Укучылар  ике телне дә камил белү өчен  нәрсәләр эшләргә кирәклеге турында да фикер алыштылар.