Зәй  шәһәренең 3 нче урта гомуми белем мәктәбендә  25 нче февраль көнне 7б сыйныфында Халыкара туган тел көненә багышланган “Телләр дөньясында” исемендә  викторина үткәрелде. Чараны татар теле һәм әдәбияты укытучысы Сабирова Фәния Халиулла кызы алып барды. Бәйгедә  “Зирәкләр“, “ Җитезләр “ командалары ярышты.  Укучылар төрле бәйгеләрдә  көч сынаштылар. Балалар рус һәм татар телләрендә  мәкальләр әйттеләр. Табышмаклар бәйгесендә Татарстан һәм башкалабыз Казан  турында тирән белемнәрен  күрсәттеләр. Укучылар  татар, рус   телләрендә шигырьләр сөйләделәр.  “Тылсымлы сүзләр “не сөйләмдә  урынлы  һәм дөрес куллана белүләре дә ачык күренде.  Чарада  татар телендә җырлар яңгырады.  Бу бәйгедә катнашучылар бик күп мәгълүмат алдылар. Чара күңелле һәм файдалы узды.