16 март көнне С.Рафиков исемендәге үзәк китапханәсендә 2-3сыйныф укучылары төркеме чарада катнашты.  Очрашу социаль-тискәре күренешләрне, хокук бозуларны, наркотикларны профилактикалау һәм яшьүсмерләр һәм яшьләр арасында сәламәт яшәү рәвешен формалаштыру атналыгы кысаларында узды. Балалар сәнгать бүлегендә  осталар В.Домнина, Т. Тумакова иҗаты белән таныштылар. Мәктәп укучыларында «Кадерле якташларым» күргәзмәсе чын күңелдән кызыксыну уятты. Китапханәче Зәй районының танылган кешеләре,  язучы һәм шагыйрь Р. Батулла, археолог Ф.Хуҗин, галим Х. Миннегулов, артист Н. Дунаев, язучы С. Рафиков турында сөйләде Аннан соң укучылар "Рөхсәт ителә яки тыела" уенында катнаштылар, юл хәрәкәте, янгын сүндерү һәм шәхси куркынычсызлык кагыйдәләрен искә төшерделәр,  викторина сорауларына җавап бирделәр.