1993нче елның 3нче декабреннән- Халыкара инвалидлар көне билгеләп үтелә. Декабрьнең  беренче атнасы Мәрхәмәтлелек атнасы буларак үтә. Бөтен дөньяда сәләте чикләнгән кешеләрнең күп проблемаларын онытмас өчен махсус чаралар үткәрелә. Әмма бу атналыкның  төп максаты-аларны кызгану түгел, киресенчә, инвалидларның җәмгыятьнең барлык кешеләре  белән бертигез булуын искә төшерү.

Шул уңайдан 7 нче декабрьдә 2нче мәктәп укучылары “Тату гаилә” балалар  бакчасына кунакка барды. Аларны балалар бакчасы мөдире Мария Юрьевна, тәрбиячеләр, татар теле тәрбиячесе Рәйсә Рәис кызы ачык йөз белән каршы алдылар. Забурдаева Раушания Риф кызы, Гомәрова Альбина Мөнир кызы җитәкчелегендәге “Умырзая” театр төркеме балаларга  концерт күрсәтте һәм Габдулла Тукайның “Эш беткәч, уйнарга ярый” әсәрен сәхнәләштерделәр.  

          Икенче өлештә тәрбияче Елена Владимировна “Тылсымлы өй” исемле мастер-класс уздырды. Балалар укучылар белән берлектә гипстан ясалган өйләрне матур итеп  буядылар.Соңыннан мәктәп укучылары балаларга кечкенә бүләкләр бирделәр. Балалар да, укучылар да  бик канәгать калдылар.

Бу чарадан соң укучылар һәр сәләте чикләнгән балага тулы канлы кеше кебек карарга, мөмкин кадәр көчләреннән килгәнчә ярдәм кулын сузарга кирәк, дигән нәтиҗәгә килделәр.