Театр мәктәпкәчә яшьтәге балалар өчен сәнгатьнең иң якты, матур һәм үтемле өлкәләренең берсе булып тора. «Театр атналыгы» кысаларында «Василек» мәктәпкә әзерлек төркеме балалары тарафыннан татар телендә «Теремок» әкияте буенча спектакль куелды. Яшь артистлар яшьтәшләре алдында артистлык сәләтләрен күрсәттеләр, татар телендә рольләр укыдылар. Барлык балаларга да спектакль бик ошады, балалар артистларны көчле алкышлар һәм рәхмәт сүзләре белән бүләкләделәр.