Бүген 14 балалар бакчасыннан килгән балалар 6 – 7 яшьлек кызлар һәм малайлар арасында «Татар малае, татар кызы -2021 " шәһәр бәйгесендә катнаштылар. Бу бәйге барышында балалар туган телне югары дәрәҗәдә белүләрен күрсәттеләр, үзләре турында татар телендә җиңел генә җырлар җырладылар, шигырьләр сөйләделәр. Туган телне өйрәтү буенча тәрбиячеләр, шулай ук конкурсантларның ата-аналары уңайлы тел мохите булдыру өчен күп көч куйдылар. Чөнки балаларны туган телгә өйрәтүдә ата - аналар белән тыгыз хезмәттәшлек итү, баланың туган телен өйрәнү теләген исәпкә алу зарур. Балаларга төрле номинацияләрдә дипломнар һәм татлы призлар тапшырылды. Конкурсантлар канәгать һәм бәхетле калдылар! Безнең балалар бакчасын конкурста Баһаутдинова Азалия һәм Бәхтевалиев Салават лаеклы тәкъдим иттеләр, алар «Иң сәләтле»номинациясендә җиңү яуладылар. Педагог Айсылу Әгъләм кызына һәм Азалия һәм Салаватның әти-әниләренә конкурска әзерләнүдә булышканнары өчен рәхмәт, ә балаларга киләчәктә дә уңышлар телибез!