Нардуган – ул элеккечә Яңа ел дигән сүз. Ул, гадәттә, 20 декабрьдән 7 гыйнварьга кадәр уздырыла. Йола-бәйрәмнең исеме кояш тууны аңлата. 22 нче декабрь – елның иң кыска көне. Ул көнне халыкта “кояш куянга атланган чак” дип тә әйткәннәр. Чөнки кояш соң гына чыгып, бераз гына күтәрелә дә, ашыга-ашыга баю ягына авыша. Тиз генә кереп югала. 22 нче декабрьдән соң көн озынлыгы аз-азлап арта башлый. Менә шуңа күрә дә Нардуган бәйрәмен яңа көн, яңа ел туган көн итеп бәйрәм иткәннәр.                Без дә буген балалар бакчасында “Незабудка” зурлар төркеме балалары белән Нардуган бәйрәме уздырдык. Бәйрәм бик матур һәм күңелле узды. Балалар татарча җырлар җырладылар, шигырьләр сөйләделәр, күңелле уеннар уйнадылар. Ахырдан Нардуган үзенең күчтәнәчләрен таратты.