21 нче ноябрьдә  “Бөтендөнья исәнләшү көне” билгеләп үтелә. Һәр халыкның бер – берсе белән исәнләшү буенча үз гореф-гадәте бар. Йола буенча, татарлар таныш кешене очрату белән исәнләшергә ашыгалар. Сәламәтлеген, әти-әнисенең хәлен, гаилә әгъзалары, яңалыклар турында сорашалар һәм кунакка чакыралар.Без дә бүген  бу бәйрәмгә “Ромашка”зурлар төркеме балалары, татар теле тәрбиячесе Айсылу Аглямовна катнашында,балалар бакчасы буенча сәяхәткә чыктык. Балаларның һәм олыларның кәефләрен күтәрергә булдык. Балалар бакча хезмәткәрләре янына килеп: “Исәнмесез! Хәерле көн!” дип исәнләштеләр. “Хәлләр ничек?” –дип хәлләрен сораштылар. Олылар елмаеп: “Исәнмесез! Әйбәт, рәхмәт!”-дип җавап бирделәр.