Мәктәпкәчә яшьтә шәхес формалашуның нигезе салына. Без шуңа да балалар бакчасында балаларны уен аша күп белергә өйрәтергә тиеш. Татар теле бүлмәсендә кечкенә генә музеебыз бар. Менә бүген “Фиалка” зурлар төркеме балалары белән татар мохитлы музейда булдык. Балалар зур кызыксыну белән анда булган әйберләр, татар халык ашлары өчпочмак, бәлеш, кыстыбый, кош теле белән таныштылар. Татар халык киемнәре калфак, түбәтәй киеп, җырлы-биюле хәрәкәтле уеннар уйнадылар.