Балаларның җәйге яллары бик күңелле үтә, Оештыручылар,  истә калырлык булсын дип, аеруча тырышып эшлиләр. Алар кызыклы да, файдалы да уеннар барышында балаларны креатив фикер йөртергә, бер-берләре белән дөрес сөйләшергә, аралашырга өйрәтәләр.  “Үз исемеңне рәсемгә төшер”, “Үзебезне ясыйбыз”, “Гади булмаган табышмакка җавап уйлап тап”, "Әкият геройлары", "Детектив" дигән бәйгеләр барлык балалар өчен дә бик кызыклы һәм файдалы булды.

Лагерьда вакыт, төрле уеннар белән үрелеп, сизелмичә үтә. Уеннар белән бергә төрле кул эшләре дә яратып башкарыла. Бүген балалар пластилин ярдәмендә рәсем ясадылар.  Нәниләрнең оста куллары астында пластилин да тылсымлыга әверелә икән.  Алар бергәләп матур итеп диңгез тормышын сурәтләделәр. 

Туган ягым - яшел бишек, дигән бөек язучыбыз Гомәр ага Бәширов.  Бүген авылыбызның табигатенә хозурландык: елга буена төштек, тау итәкләрендә һәм алма бакчасында йөрдек. 

12 июнь - Россия көне. Шул уңайдан балалар "Россия символикалары" темасына рәсемнәр төшерделәр. ТР да читтә калмады.

Зәйдән килгән "Мальвина" марионеткалар театры чыгышы балаларга бик ошады. "Маша и медведь" һәм "Сказка про Нюрку" әсәрләрен караганнан соң, аларның үзләрендә дә курчак театры кую теләге туды.

Җәйнең матур көннәрен рәсемгә төшерәбез

"Космос" яшьләр үзәгеннән килгән мультфильмнар, конкурслар балаларның күңеленә һуш килде. Балалар аеруча батутта яратып сикерделәр

Мәктәп бакчасында эшләр гөрли.

Лагерь балалары белән авыл ФАПында кунакта. Балалар үзләренең буй-авырлыкларын белделәр.

Лагерьның һәр көне күңелле үтә. Бүген кызлар көнкүреш материалларыннан күлмәкләр ясадылар һәм мода күрсәттеләр