Масленица – Май чабу (борынгы словяннарда кышны озату бәйрәме; соңыннан христиан чиркәве үз йоласына әйләндергән). Дөресен генә әйткәндә бу бәйрәм тантаналы рәвештә кышны озатып, гүзәл язны каршы алу. Календарьдә төгәл вакыты юк , шуңа күрә аның датасын үзең санап чыгарырга була. Шулай итеп быел 10 нчы мартка туры килә, ә  Май чабу бәйрәме үзе 4 нче марттан башланып китә. Әлбәттә инде,бернинди бәйрәм дә уен - көлкесез, җыр – биюсез үтми. Бу бәйрәмнең төп йоласы коймак пешереп дус-туганнарны сыйлау,  бәйрәм итү, күңел ачу . Без дә моннан читтә калмадык. Үзебезнең балалар бакчасында “Май чабу” бәйрәмен бик зурлап үткәрдек.Бәйрәмнең кунаклары булып төп герой Масленица , татар халкының яз символы булган Нәүрүзбикә һәм Англия герое да килгән иде. Балалар төрле телләрдә җырлар җырладылар, шигырьләр җырладылар,уеннар уйнадылар. Ахырдан әти-әниләр белән бергәләшеп кайнар чәй белән сыйландык. Шулай итеп Кышны 3 төрле телдә (рус, татар, инглиз) озаттык , Язны каршы алдык.                                                                                             Бәйрәм бик күңелле һәм истә калырлык булып үтте.