“Энҗе”  балалар бакчасында  татар телен  өйрәтү белән беррәттән, балаларны татар халкының тормышы, көнкүреше, милли йолалары, тарихы белән таныштыруны дәвам итәбез. Моның өчен татар теле кабинетын җиһазладык, анда этнография почмагы булдырдык. Матур итеп татар орнаменты беелән бизәлгән савыт- сабаны, әбиләр сандыгыннан чыккан  чигүле сөлгеләрне карап, кәләпүшләрне  киеп карап, бала күңелендә халык осталарына карата горурлык хисләре уяна. Милли йолалар алыштыргысыз тәрбияви чара булып тора. Татар телен өйрәнгән арада, туган  табигатькә сак караш һәм мәхәббәт тәрбияләү бурычлары да үтәлә.