“Энҗе” балалар бакчасында  татар теленнән  шөгыльләр  башланды.  Балалар уйнап үзара аралашалар, җырлыйлар, бииләр. Моның нәтиҗәсе дә күңелле: матур сөйләмгә өйрәнү белән берлектә, әдәплелек сыйфатлары да арта. Уен вакытында башкалар фикере белән хисаплашырга, көчсезләрне якларга, иптәшләренә булышырга өйрәтәбез. Балаларны татар телендә сөйләшергә, аралашырга өйрәтү, туган телебезне ярату, аңа карата ихтирам тәрбияләү бүгенге көндә иң мөһим мәсьәләләрнең берсе булып тора. Балаларның көнкүрешкә, табигатькә, җәмгыятькә кагылышлы сүзләр исәбенә сүз байлыгын баету, сүз һәм сүзтезмәләрне төрле ситуацияләрдә кулланышка кертү безнең максатыбыз.