Өченче яшьтәге балалар белән оештырылган эшчәнлек уен характерын ала. Туган телгә өйрәтү, сөйләм үстерү мәсьәләләрен чишкәндә, өйрәтүнең төрле методларын, алымнарын, чараларын кулланабыз. Шундый чараларның берсе – бармак уенннары. Бармак уеннары баш мие эшчәнлегенә, интеллект үсешенә уңай йогынты ясый. Эшчәнлек барышында без төрле предметлар тотып биюләр, уеннар киң кулланабыз. Нәниләр уенчыкларны яшерәләр, табалар, эзлиләр. Мондый уеннар балаларда зур кызыксыну уята, алар хәрәкәтләрне тырышып кабатлыйлар:”куян булып сикерәләр”,”кошлар булып очалар”,”җим чүплиләр”,”әтәч булып кычкыралар” һ.б. Бу уеннарда музыка әсәрләрен кулланып балаларның ишетү сәләтен үстерәбез.