Аралашу, үзара аңлашу, сөйләм үсешенә зур йогынты ясый. Диалоглар, сәхнәләштерелгән уеннар вакытында балалар бик теләп аралашалар. Җырлар, диалоглы-шигырьләр, кечкенә әкиятләр сәхнәләштереп балаларда телгә карата кызыксыну үстерәбез. Әлеге максатта халык авыз иҗаты әсәрләрен, сорау-җавап алымын кулланабыз. Кечкенә балаларга башта “әйе”, ”юк” җавабына туры килә торган сораулар бирсәк, аннары уйлап җавап бирү өчен таләп ителә торган сораулар әзерлибез. Сөйләм үстерүдә рольле уеннарның да әһәмияте зур. Курчаклар белән сөйләшү, аларга чәй эчерү, аларны йоклату, уенчык хайваннарны ашату, ”кибет” уеннарын уйнау акыл үсешенә дә зур йогынты ясый.