15 нче февраль – ватанпарвәр- шагыйрь Муса Җәлилнең туган көне.

   15 нче февраль көнне “Каенкай” балалар бакчасының уртанчы “А” төркемендә герой-шагыйрь Муса  Җәлилгә багышланган әдәби кичә узды. Әлеге чараның максаты:   Муса Җәлилнең тормыш юлын күзалларга өйрәнү; шигырьләрен белү; сөйләм телен баету; татар халкынын герой-шагыйре иҗатына мәхәббәт хисләрен тәрбияләү; туган илгә карата патриотлык хисләре тәрбияләү.

    Балалар бәйрәмнәрне бик яраталар һәм түземсезлек белән көтеп алалар. Әдәби кичәгә балалар зур тырышлык куеп әзерләнделәр. Муса Җәлилнең тормыш юлы һәм иҗаты белән тирәнтенрәк таныштылар. М.Җәлилнең “Күке”, “Әтәч”, “Маэмай”, “Куян” һ.б шигырьләрен яттан өйрәнделәр. “Карак песи” шигырен сәхнәләштерделәр. “Песи начар эш эшләгән”,- дигән нәтиҗә ясадылар.

   М.Җәлилнең “Кызыл ромашка” шигыре аша сугыш вакытында солдатларның геройларча көрәшүләре турында белделәр. Герой – шагыйрьнең сугыш вакытында батырлыгы  турында ишеткәч, зур үскәч, балаларның да солдат булып, илне явыз дошманнан саклыйсы килү теләкләре туды. “Кызыл ромашка” әсәренә композиция ясадылар.

  Муса Җәлилгә багышланган әдәби кичә балаларның күңелендә тирән хисләр калдырды. Киләчәктә туган илебезнең ныклы терәге булып үсәрләр, - дип ышанып каласы килә.

                                                                                                                                 Нәҗмиева В.М.

15 февраль 2016 ел