14 нче декабрь көнне  10 нчы гимназиядә Әдәбият елын йомгаклау  уңаеннан язучы Ильяс Мөхәммәтҗан иҗатына багышланган “ Иҗат белән янган шәхес” дип исемләнгән очрашу оештырылды. Чарада 10 нчы гимназия укучылары белән беррәттән шәһәребезнең башка мәктәпләреннән килгән әдәбият сөючеләр Һәм аларның укытучылары да катнаштылар. Очрашу гаҗәп җылы үтте, барчабызның күңеленә хуш килде. Кунакларның чыгышлары да, укучыларның шигырь укулары да, җырлары да җанга ятышлы булды. Язучының “Көтеп алынган бәхет” повестеннән куелган өзекне укучыларыбыз аеруча яратып карадылар. Кунагыбыз укучыларыбызның күп санлы сорауларына җаваплар бирде,үзенең шигырләрен укыды. Аның гарәп телендә башкарылган җыры безгә бигрәк тә көчле тәэсир итте. Бу очрашудан без бик канәгать калдык,чөнки үзебез өчен бик күп рухи азык алдык.