Татарстан Республикасы Яшел Үзән районының 10 нчы гимназиясе һәм Мари Республикасының Волжск районы Петъяль һәм Карай урта мәктәпләре арасында хезмәттәшлек килешүе төзелде.

Октябрь аенда Петъяль һәм Карай урта мәктәпләре укытучылары 10 нчы гимназиядә уздырылган төбәкара семинарда катнашып, мәктәптә ФДББС шартларында эшләү буенча эш тәҗрибәләре белән уртаклаштылар.

Ә инде ноябрь аенда 10 нчы гимназия укытучылары һәм мари түгәрәгенә йөрүче укучылар Мари Республикасының Карай мәктәбендә уздырылган  «Есть Родина у каждого из нас» (Һәр кешенең үз иле бар) дип аталган төбәкара укуларда катнаштылар. Үзләренең фәнни -  эзләнү эшләрен «От истоков до наших дней» (Тамырларыбыз бүгенге көнгә алып килә), «Моя семья – часть истории моей страны» (Минем гаиләм – туган илемнең бер кисәге),                «Культурное наследие» (Мәдәни мирасыбыз), «Военная история района» (Районыбызның сугыш чоры тарихы)  номинацияләрендә яклап призлы урыннар алып кайттылар.