18-20 нче ноябрь көннәрендә аерым фәннәр тирәнтен өйрәнелә торган 15 нче урта мәктәптә “ФДББС шартларында татар теле һәм әдәбияты укытуның актуаль мәсьәләләре”  дигән темага  татар теле һәм әдәбияты укытучылары өчен  республика семинары булып узды. Семинарның җитәкчесе – Мәгарифне үстерү институтының  милли мәгариф лабораториясе методисты, “Татарча да яхшы бел” дәреслекләре авторы Нигъмәтуллина Р.Р. Семинарның   максаты –  татар теле һәм әдәбиятын укытуда ФДББС  таләпләрен тормышка ашыру юнәлешендә мәктәпнең  инновацион эш тәҗрибәсе белән уртаклашу.   Семинарда Яннаева Р.Х., Яруллина Г.М., Шәймәрданова Ф.К.,  Гаффарова Р.М.,  Әхмәтҗанова К.Р., Зиннәтуллина Г.Г. кебек тәҗрибәле укытучылар белән беррәттән  Тимершина Г.Р. кебек яшь укытучылар да эшлекле  ачык дәресләр күрсәттеләр. Икенче һәм өченче көннәрдә 5 нче һәм 9 нчы сыйныфларда мастер-класслар күрсәтелде.  Түгәрәк  өстәл  барышында    укытучылар дәресләргә тәфсилле анализ ясарга өйрәнделәр, рус телле балаларны укыту өчен тәкъдим ителгән дәреслекләрнең бүгенге балаларны  кызыксындырудагы өстенлекле якларын ачыкладылар.

Семинар эше югары бәяләнде.