27 нче февраль көнне Яшел Үзән районы Әйшә урта мәктәбендә Г.Тукай исемендәге V Бөтенроссия уку бәйгесенең Бөек Җиңүнең 70 еллыгына багышланган “Сез кайсы халыктан?-дисәләр, Батырлар исемен атадым”  дип исемләнгән муниципаль тур уку бәйгесе булып узды. Анда авыл һәм шәһәр мәктәпләреннән 50 дән артык  укучы көч сынашты.

   Бәйге түбәндәге яшь номинацияләрендә оештырылды:

·         1 нче төркем: 2-4 нче сыйныфлар;

·         2 нче төркем: 5-8 нче сыйныфлар;

·         3 нче төркем: 9-11 нче сыйныфлар.

Бәйгенең төп темасы – Бөек Ватан сугышы чоры иҗаты иде. Аның нәтиҗәсе дә бәйгедә катнашучыларның яшь үзенчәлекләрен һәм милләтен исәпкә алып ясалды. Балаларның чыгышларына Яшел Үзән муниципаль мәгариф идарәсеннән, татар милли – мәдәни үзәгеннән, “Яшел Үзән” газетасы редакциясеннән һәм республикабыздан   килгән мәртәбәле кунаклар бәя бирде. Алар арасында Татарстан Язучылар берлегеннән Татарстан Республикасының атказанган сәнгать эшлеклесе, Саҗидә Сөләйманова исемендәге бүләк иясе, зучы шагыйрә Эльмира Шәрифуллина, 2008 нче елдан шушы берлекнең әгъзасы,  шулай ук Төркия язучылар берлегенең Намык Кемаль исемендәге премиясе лауреаты яшь шагыйрь Рифат Сәлах бар иде. Хәйят әгъзалары катнашучыларның шигырьләрне интонация белән укуларына, сөйләү һәм сәхнә культурасына, башкару осталыгына игътибар итте.

Бәйрәмгә ерак араларны якын итеп, “Сабантуй” журналы хезмәткәре Йолдыз  Шәрәпованың  килүе ямь өстенә ямь бирде. Ул үзе дә шигырьләр язарга ярата, шуңа күрә укучыларга киңәшләрен бирде, иҗат белән дуслашырга өндәде, “Сабантуй” журналының чын дуслары булуларын теләде.

Укучылар бу бәйгегә  бик нык әзерләнеп килгәннәр. Алар арасында “кайнар көрәш” барды дип әйтсәм дә була.

Ниһаять, иң дулкынландыргыч вакыт җитте. Шигырь уку бәйгесенең нәтиҗәләре билгеле булды.

2-4 нче сыйныфларның татар төркемнәре арасында:

-           Сираҗиева Лилия, 4 нче сыйныф, 5 нче гимназия;

-          Хөсәенов Булат, 3 нче сыйныф, 7 нче номерлы мәктәп;

-          Дәүләтшина Раяна, 2 нче сыйныф, 3 нче гимназия;

-          Бәдретдинова Аида, 4 нче сыйныф, Әйшә мәктәбе.

                             Рус төркемнәре арасында:

-          Уткина Виктория, 3нче сыйныф, 17 нче номерлы мәктәп;

-          Шеботнева Екатерина, 2 нче сыйныф, 2 нче номерлы Васильево мәктәбе;

-           Павлова Лиана, 4 нче сыйныф, Татар Танае мәктәбе.

      5-8 нче сыйныфларның татар төркемнәре арасында:

-          Хәмитова Алия, 8 нче сыйныф, Акъегет урта мәктәбе;

-          Галиәкбәрова Резидә, 8 нче сыйныф, 5 нче гимназия;

-          Мифтахов Илнур, 8 нче сыйныф, 9 нчы лицей.

           Рус төркемнәре арасында:

-          Величко Алиса, Бухмина Ксения, Гусева Дарья, Опарин Иван, 6 нчы сыйныф, 4 нче номерлы мәктәп;

-          Самарин Евгений, 8 нче сыйныф, Советлар Союзы Герое Н.Волостнов исемендәге Васильево интернат-кадет мәктәбе.

     9-11 нче сыйныфларның татар төркемнәре арасында:

-          Сафина Гөлия белән Салахов Инсаф, 10 нчы сыйныф, 1 нче лицей;

-          Зәйнуллин Алмаз, 10 нчы сыйныф, Татар Танае мәктәбе;

-          Гыйләҗев Айрат, 10 ны сыйныф, Норлат мәктәбе.

           Рус төркемнәре арасында:

-          Царева Александра, 10 нчы сыйныф, Советлар Союзы Герое Н.Волостнов исемендәге Васильево интернат-кадет мәктәбе;

-          Королев Игорь, 9 нчы сыйныф, 17 нче номерлы мәктәп.

Яшел Үзән данын яклар өчен иң - иңнәр арасыннан тагын Гран – прига лаек укучылар итеп, 1 нче лицейның 10 нчы сыйныф укучылары Сафина Гөлия белән Салахов Инсаф һәм 4 нче номерлы мәктәптән  6 нчы сыйныф укучылары Величко Алиса, Бухмина Ксения, Гусева Дарья, Опарин Иван билгеләнде. Әйдәгез, аларга республикада үткәреләсе Шигырь бәйрәмендә уңышлар телик.

            Уңышка ирешкән укучылар мәгариф идарәсенең Мактау грамоталары белән бүләкләнделәр.   Бәйгедә катнашкан   балалар бөек шагыйрьләребезгә баш иеп, рухи азык туплап, күңелләрен баетып, тагын бер тапкыр туган телебезнең бөеклегенә  соклану мөмкинчелеге алдылар.