Татарстан Республикасы Мәгариф һәм фән министрлыгы Татнетны үстерү фонды, Татарстан Республикасы Мәдәният министрлыгы һәм “Белем.ру” җаваплылыгы чикләнгән җәмгыяте белән берлектә туган телгә һәм гореф-гадәтләргә мәхәббәт тәрбияләү, интернет-технологияләр ярдәмендә татар телен һәм мәдәниятен саклау һәм үстерү, прогрессив белемле укытучылар, укучылар һәм гаиләләрне барлау максатында, “Белем җәүһәрләре” дип исемләнгән V Бөтендөнья интернет-проектлар бәйгесен үткәрде.

Бәйге нигезләмәсе буенча эшләр 8 номинация кабул ителгән :

“Укытучы – җәүһәр”, “Укучы – җәүһәр”,

“Башлангыч белем бирү учреждениесе – җәүһәр чыганагы”,

“Урта белем бирү учреждениесе – җәүһәр чыганагы”,

“Югары белем бирү учреждениесе – җәүһәр чыганагы”,

“Тематик ресурс – иҗади җәүһәр”,

“Белемле гаилә – нур чәчеп торган җәүһәр”,

“Күренекле татар җәүһәрләре”.

            “Белем җәүһәрләре - 2014” V Бөтендөнья интернет-проектлар бәйгесенең
йомгаклау тантанасы 2014 нче елның 25 октябрендә  Г. Камал исемендәге Татар дәүләт академия театрында узды.

            Конкурста “Белем җәүһәрләре – башлангыч мәктәп белемнәр җәүһәре” номинациясендә җиңүче - Татарстан Республикасы Яшел Үзән муниципаль районы Ачасыр гомуми урта белем мәктәбенең башлангыч сыйныфлар укытучысы Замалиева Фәридә Гаптелбари кызы.

Котлыйбыз!