Яшел Үзәннең 10 нчы «Йолдызлык» балалар бакчасында Халыклар бердәмлеге көненә багышланган тематик бәйрәм үткәрелде. Чараның төп максаты — балаларда төрле милләт вәкилләренә карата хөрмәт тәрбияләү, дуслык, татулык һәм бердәмлек төшенчәләренең әһәмиятен аңлату, халыкларның мәдәниятенә һәм гореф-гадәтләренә кызыксыну уяту. Бәйрәм барышында балалар төрле халыкларның мәдәни үзенчәлекләре белән таныштылар, үзләренең иҗади сәләтләрен күрсәттеләр, шигырьләр сөйләделәр, җырлар башкардылар һәм күңелле уеннарда катнаштылар. Чара җылы һәм дустанә мохиттә узды. Мондый чаралар балаларга кечкенәдән үк үзара хөрмәт, дуслык һәм бердәмлек кыйммәтләрен сеңдерергә ярдәм итә. Чөнки һәр халыкның үзенчәлекле мәдәнияте, бай тарихы һәм матур традицияләре бар. Ә аларны хөрмәт итү — үзара аңлашу һәм тынычлыкның мөһим нигезе.