Яшел Үзәннең 5 нче гимназиясе базасында 25 август көнне август киңәшмәсе кысаларында « Мәгариф системасында туган телләрне саклау һәм үстерү: стратегия һәм технологияләр» темасына милли  мәгариф секциясе утырышы узды.

Секция утырышында милли мәсъәләләр буенча директор урынбасарлары, методик берләшмә җитәкчеләре, туган тел укытучылары катнаштылар.

Программада каралган сораулар:

1. Хәзерге заман белем бирү киңлегендә туган тел: мәсьәләләр, казанышлар һәм перспективалар.
2. Белем бирү процессында файдалануга кертелгән дәреслекләрнең яңартылган Федераль исемлеге.
3. Туган (татар) тел һәм әдәбият укытучылары ассоциациясенең нәтиҗәле практикасы.
4. Туган (татар) тел буенча телдән төп дәүләт имтиханы – эксперт анализы.
5. Укучыларны туган телдән төп дәүләт имтиханына әзерләү – укытучының нәтиҗәлелеге күрсәткече.
6. Туган (татар) тел һәм әдәбияты дәресләрендә укытуның нәтиҗәле методлары.
7. Заманча технологияләр ярдәмендә татар теле һәм әдәбияты дәресләрендә укучыларның функциональ грамоталылыгын үстерү.
8. Татар теле һәм әдәбиятын укытуда цифрлы ресурслар. 9. Милли тәрбия бирүдә иҗтимагый оешмалар белән хезмәттәшлек (Нәтиҗәле проектлар).

Секция утырышында милли мәгариф буенча резолюция кабул ителде. Яңа уку елыны максатдлар һәм бурычлар куелды.