Россия халкының мәдәни мирас елы кысаларында Тинчурин театрының «Беренче театр» спектакле Яшел Үзән мәктәпләре укучылары өчен Горький исемндәге мәдәният йортында оештырылды. Спектакль 21 сентябрьдә күрсәтелде.Спектакль зур уңыш белән узды. Зур кызыксыну белән спектакль караган укучылар артистларны алкышларга күмеп, озак кына сәхнәдән җибәрми торды. Галиәсгар Камалның «Беренче театр» пьесасы мәҗбүри мәктәп программасына кергән, шуңа күрә спектакль мәктәп укучыларына кызыклы булды. Билгеләп узыйк, «Пушкин картасы» программасын гамәлгә ашыру өчен Тинчурин театры һәр елны район уку йортлары  өчен спектакльләр күрсәтә.