Әйшә урта мәктәбендә татар милләтенең танылган артистлары  Маликовлар гаиләсе белән очрашу булып узды. Бу чарага сәнгатьне үз иткән һәм аны яраткан укучылар җыелды, чөнки Гүзәл һәм аның улы Гайсә үзләре дә гомер буе сәнгатькә гашыйк кешеләр. Очрашуда Гайсә укучыларга төрле уен коралларында уйнап күрсәтсә,  ә Гүзәл ханым матур җырлары белән күңелне иркәләде. Аларның һәр чыгышлары алкышларга күмелде. Бу бәйрәм татар халкының тарихына, мәдәниятенә һәм сәнгатенә карата хөрмәт, ихтирам хисләре  тәрбияләде.