«Фәнсар» фән һәм мәгариф үзәге – сәләтле балалар һәм яшьләрне эзләү, сайлап алу һәм үстерүгә корылган интеллектуаль һәм рухи мохит.«Фәнсар» ФМҮ базасында Сәләт клубының узган елгы эшчәнлегенә нәтиҗә ясалды. Төбәк Сәләт Клублары өчен XV гамәли уку-укыту семинары тәмамланды. Семинарларда Яшел Үзәннең «Сәләт» клублары катнаштылар.Сәлкешләр узган елгы эшчәнлеккә нәтиҗә ясады, киләчәккә клубларының юл картасын төзеде. Шәхси үсеш, команданы берләштерү юллары, яңа чаралар уйлап табуга багышланган остаханәләрдә дә катнаштылар. Социаль челтәрләр белән эшләү күнекмәләрен ныгыттылар.

Семинарда актив катнашкан клубларга рәсми рәвештә теркәлүне раслаучы таныклыклар да тапшырылды.