28 нче гыйнварда Яшел Үзән шәһәренең 3 нче гимназиясендә VII Бөтенроссия «Үз халкын дөньяга таныткан татарлар»  фәнни-практик конференциясе узды. Конференция ЮНЕСКОның Ассоцияләнгән мәктәпләре, Россия Федерациясе регионнары, Татарстан Республикасы мәктәпләре катнашында уза. Конференцияне оештыручылар: ТР Мәгариф һәм фән  министрлыгы, Казан (Идел буе) федераль университеты, ТР Зеленодольск муниципаль районы Башкарма  комитеты мәгариф идарәсе, ТР Зеленодольск муниципаль районының 3 нче гимназиясе.
Быел конференциягә Ульян, Пенза, Пермь, Саратов, Самара, Түбән Тагил өлкәләре, Якутия, Чуваш, Удмурт Республикалары, һәм Татарстан мәктәпләреннән 201 эш кабул ителде.

Конференция 9 секциядә эшләде:

1 нче секция. Татар телендә. Укучыларның иҗади эшчәнлеге
«Мин бу кеше белән сокланам» (очерклар).

2 нче секция. Татар телендә «Без шул төбәктән» (танылган татарлар турында шигырьләр).

3 нче секция. Татар телендә. Әдәби проектлар.

4 нче секция. Татар телендә. «Минем туган җирем тарихы» (Тарих, сәясәт, мәгариф, мәдәният, әдәбият, медицина, спорт өлкәсенда танылган татарлар).
5, 6 нчы секцияләр. Рус телендә. Тарих, сәясәт, мәгариф, мәдәният, әдәбият, медицина, спорт өлкәсенда танылган татарлар.

7, 8, 9 нчы секцияләр. «Минем туган җирем тарихы». Рус телендә.