16 нчы декабрь көнне Сәләт йортында «Сәмрух 2021» ел премиясенең «Ел Клубы» номинациясендә сайлап алу туры үткәрелде. Билгеле булганча, чараның төп максаты булып Сәләт хәрәкәтендә катнашучы сәләтле балалар һәм яшьләрне бүләкләү, алар хезмәтенә бәя бирү, Сәләт  проектларын оештыручыларга, партнерларга, укытучыларга рәхмәт белдерү тора. Чараны «Сәләт» оешмасының җитәкчесе Әдип Әлмир ачып җибәрде. Катнашучыларга уңышлар теләде, жюри әгъзаларына мөрәҗәгать итте, ә кунакларга рәхмәтен белдерде. Аның фикеренчә, «Сәмрух» премиясе Сәләт өчен бик кирәкле чара: ул Сәләтне дә сәләтлеләрне дә үстерә, киләчәк өчен нигез булып тора. Укучыларыбыз уңышлы чыгыш ясадылар, ә хәзер инде нәтиҗә көтәсе кала.