Бүген, 26 нчы апрель, күркәм шагыйребез Габдулла Тукай туган көнне Зеленодол шәһәренең Мирный бистәсендә иҗат мәктәбе янында “Тукай безнең йөрәкләрдә” дип аталган зур музыкаль-әдәби кичә узды. Сөекле шагыйребез Г.Тукай иҗаты аша татар теленең сафлыгын, бөеклеген укучыларыбызга җиткерү, аны буыннан-буынга тапшыру максатын күзаллап, 15 нче мәктәп укучылары һәм укытучылары тарафыннан оештырылган кичәдә үзләренең талантларын 7 нче мәктәп, 9 нчы лицей, 16 нчы мәктәп укучылары күрсәтте. Укучылар халкыбызның бөек шагыйре Г.Тукайның әсәрләрен сәнгатьле укып, сәхнәләштереп күрсәттеләр, Тукай белән горурлануларын дәлилләделәр.