Яшел Үзәннең 7 нче мәктәбендә 16 нчы декабрьдә “Милли йолалар” исеме астында түгәрәк өстәл булып узды. Әлеге түгәрәк өстәлнең актуальлеге: буыннан буынга күчә торган рухи тәҗрибә һәм йолалар вакытлар узу белән һич тә әһәмиятләрен югалтмыйлар, киресенчә, аларның кыйммәте арта гына. Бүгенге көндә милли бәйрәмнәребезне, йола, гореф-гадәтләребез яңадан торгызылып, яңартылып, заман төсмерләре биреп үткәрелә башлады. Аларны халык белә, хөрмәт итә икән милләт яши, милләт яшәгәч, тел яши, ягъни тормыш дәвам итә. Татарстан Республикасы күпмилләтле дәүләт булганлыктан, анда яшәүче һәр кеше бар халыкның гореф-гадәтләрен, йолаларын ихтирам итәргә тиеш.