Фәнни эзләнү эшчәнлеге мәктәптә дә, университетта да зур мөмкинлекләр ача. Нәкъ шундый сүзләрне нигез буларак алып, Яшел Үзәннең 16 нчы мәктәбендә 6 апрельдә узган мастер-класс булды. Катнашучылар арасында шәһәребезнең 9 нчы лицей, 14 нче лицей, 15 нче мәктәп, 16 нчы мәктәп укучылары булды. Спикерларыбыз - доцент, икътисад фәннәре кандидаты, Сәләт активисты Ләйсән апа Арсентьева һәм Казан федераль университетының Идарә итү, икътисад һәм финанслар институты Студентлар фәнни җәмгыяте рәисе, 3 нче курс студенты Александр Шляхтин.

Очрашуның башында Ләйсән апа катнашучыларны институт эшчәнлеге һәм абитуриентларны кабул итү тәртипләре белән таныштырды.

Сүз Александрга бирелгәч, кунагыбыз фәнни-эзләнү эшләрен ничек дөрес язарга, эшнең төзелеше, фәнни-эзләнү эшчәнлеге уңай яклары хакында сөйләп китте. Шуннан соң балалар, теорияне туплагач, алган белеменәрне гамәлдә куллану максатыннан, төркемнәргә бүленде һәм үзләре сайлаган темалы фәнни-эзләнү эшенең планын төзеп карады.