15 нче март көнне чая, җор телле, сүзгә оста һәм, гомумән, иҗатка гашыйк балалар һәм яшьләрне «Идел» яшьләр үзәге Республикакүләм «Дулкыннар» бәйгесенә җыйды. «Дулкыннар» бәйгесе Татарстан Республикасы һәм Россия Федерациясенең регионнарында яшәүче сәләтле балаларны һәм талантлы яшьләрне ачыклау, аларга ярдәм итү, иҗатта үз-үзләрен күрсәтү өчен шартлар тудыру, милли мәдәниятне, гореф-гадәтләрне торгызу һәм популярлаштыру максатыннан уздырылды. Бәйге шагыйрь Разил Вәлиев иҗатына багышланган иде.

Конкурста Яшел Үзән мәктәпләреннән 19 укучы төрле номинацияләрдә катнаштылар: 1 нче лицей, 3 нче гимназия, 4 нче мәктәп, 5 нче гимназия, 7 нче мәктәп, 11 нче мәктәп, Әйшә мәктәбе, Васильево кадет мәктәбе, В.В. Карпов исемендәге лицей, Яшел Үзән балалар үзәге.

«Нәфис сүз» номинациясендә  җиңүчеләр:

I урын -  3 нче гимназия укучылары Камалеева Ясминә (6А сыйныфы) һәм Баязитова Камилә (5 А сыйныфы), укытучысы Камалеева Э.Р.;

II урын – В.В. Карпов исемендәге лицей укучысы Галимҗанов Булат (1 нче сыйныф), укытучысы Мансурова Л.С.

Җиңүчеләребез 17 нче апрель көнне Татарстан халыклары Дуслык йортында Гала-концертта катнаштылар.

Котлыйбыз!