22-24 нче сентябрь көнне, 11 шәһәрдән җыелган сәләтле балалар өчен онытылмаслык көннәр башланып китте. Алан быел «Фәнсар» фән һәм мәгариф үзәге базасында (Алексеевск районы) Сәләт клублары өчен IV  гамәли семинар үтте. «Сәләт» клублары семинарында, рәсми рәвештә, «Сәләт-Яшел Үзән» клубы үз ишекләрен ачты. Клубның актив эшчәнлеген башлап җибәрү, киләчәккә планнар кору уңаеннан 3 көнгә сузылган очрашуда «Сәләт-Яшел Үзән» клубы президенты Тимерхан Шәйхетдинов үз командасы белән катнашты. 

26 октябрь көнне Яшел Үзәннең 16 нчы мәктәбендә «Сәләт-Яшел Үзән» клубы «Мәктәп укучылары үзидарәсе усешенең перспективалары: Кичә, бүген, иртәгә» темасы белән  чираттагы утырышка җыелды. Сәләтле балалар һәм талантлы яшьләрне туплаучы Республикакүләм «Сәләт» берләшмәсе белэн берлектә  үтте бу чара. 

Чара  сәләтле балаларны һәм яшьләрне эзләү, сайлап алу һәм ел әйләнәсе алар белән даими эшләү, заманча фикерли, гомумкешелек кыйммәтләрен һәм милли үзенчәлекләрне бер дәрәҗәдә күрә торган интеллектуаль-рухи   шәхес булдыру максатыннан  үткәрелә.

Бу чарада 5 нче гимназия һәм 3 нче гимназиянең сәләтле укучылары катнашты.